Tramp İranı atəşkəsi dəfələrlə pozmaqda günahlandırdı
ABŞ prezidenti Donald Tramp İranı atəşkəs rejimini dəfələrlə pozmaqda ittiham edib.
Ölkə.az xəbər verir ki, o bu barədə "Truth Social" sosial şəbəkəsində deyib.
“Ateşkəs rejimi İran tərəfindən dəfələrlə pozulub!” – deyə Ağ Ev rəhbəri yazıb.
Qeyd edək ki, ABŞ və İran arasında danışıqların ikinci raundu aprelin 22-də İslamabad şəhərində keçiriləcək.
Xatırladaq ki, aprelin 11-də ABŞ və İran arasında ilk danışıqlar Pakistanın vasitəçiliyi ilə baş tutub. Görüşdə Hörmüz boğazının blokadadan çıxarılması, İranın nüvə proqramı, Tehrana qarşı sanksiyaların ləğvi və hərbi əməliyyatların dayandırılması məsələləri müzakirə olunub.
ABŞ-nin vitse-prezidenti Ceyms Devid Vens bildirib ki, Vaşinqton öz “qırmızı xətlərini” açıq şəkildə müəyyən edib, lakin Tehran bu şərtlərlə razılaşmayıb.
Həmidə İbrahimova
