"Nike" reklamı tənqid atəşinə tutuldu: Şirkət üzr istəməyə məcbur oldu
Ölkə.Az xəbər verir ki, bu barədə "Runner's World" resursu məlumat yayıb.
Nəşrdə deyilir: "Artıq yığışdırılmış həmin lövhə Boston marafonu öncəsi Nyuberi-stritdəki "Nike" mağazasından asılmışdı və diskriminasiya xarakteri daşıdığı üçün internetdə kəskin tənqid olundu".
"Nike"dan bildiriblər ki, məqsədləri qaçışçıları dəstəkləmək olub, lakin lövhələrdən biri gözləntiləri doğrultmayıb. Şirkət üzr istəyib və daha yaxşı olacaqlarına söz verib.
Bir çox qaçışçılar və sosial şəbəkə istifadəçiləri sloqanın ifadə formasını tənqid ediblər. Marafon iştirakçılarından biri "Sürətin fərqi yoxdur, əsası dayanmamaqdır" yazılmış öz posterini hazırlayıb. Onurğa zədəsi ilə hərəkət edən digər bir qaçışçı isə qaçış zamanı piyada fasilələri verməyə məcbur olduğunu qeyd edərək, piyadalar haqqındakı sloqanı yersiz adlandırıb.
