Rusiya XİN: "Obamaya Rusiyanın itirdiyi ərazilərin siyahısını göndərəcəyik"

Rusiya Xarici İşlər Nazirliyi ABŞ prezidenti Barak Obamanın Tallində Rusiya ilə bağlı çıxışına ironik şəkildə cavab verib

Estoniyanın paytaxtı Tallinndə Obama bəyan edib: “XIX əsrdə itirdiyi torpaqları geri qaytararaq keçmişə, çarların vaxtına qayıdır. Bu, XXI əsrdə Rusiyanın böyüklüyünün göstərilməsi üçün düzgün üsul deyil”.

Rusiyanın xarici işlər nazirliyi Obamanın cavabını çox gecikdirməyib.

“Tarix həvəskarlarına cavab: ABŞ prezidenti Barak Obama “Rusiyanın XIX əsrdə itirdiyi torpaqları” deyəndə nəyi nəzərdə tutur? Biz hazırda Obama üçün Rusiyanın XİX əsrdə itirdiyi ərazilərin siyahısını hazırlayırıq”, - deyə Rusiya xarici işlər nazirliyi ironiya ilə Obamanın çıxışa münasibət bildirib.

XİN-nin açıqlamasına görə, XIX əsrdə Rusiyadan müqavilə ilə ayrılan yeganə böyük ərazi Alyaskadır. O da ABŞ-ın tərkibindədir. Alyaska 1867-ci ildə yarımadanın 7,2 milliyon dollar müqabilində ABŞ-a satılıb. Görəsən, ABŞ prezidenti Rusiyanın itirdiyi ərazilərdən danışarkən Alyaskanı nəzərdə tuturdu? O, bunu açıqlamayıb./Anspress/

Ölkə.Az