Ədoğanın yeni iqamətgahı
Türkiyənin yeni seçilmiş prezidenti Rəcəb Tayyib Ərdoğanın fəaliyyətini yeni binada davam etdirəcək. Hələ baş nazir olduğu dövrdə tikintisinə göstəriş verdiyi yeni prezident iqamətgahında işlər sona çatdırılır.
Ölkə.Az xəbər verir ki, Atatürk meşə qoruğunda 150 hektar ərazi daxilində tikintisi davam etdirilən binanın aerxitekturasından yaxında maraqlanan Ərdoğanın prezident iqamətgahı olaraq istifadə edəcəyi dəqiqləşib.
Prezident seçildikdən sonra harada qalacağı və işlərini haradan idarə edəcəyi hər kəsi maraqlandırırdı. Azərbaycana səfər etməmişdən əvvəl hava limanında jurnalistlərin sualarını cavablandıran Ərdoğan prezident iqamətgahının Atatürk meşə qoruğundakı binaya köçürüləcəyini açıqlayıb.
Memar Şəfik Birkiyənin layihəsini əsasında tikilən binanın Türkiyənin ən yaxşı qorunan binası olacağı bildirilir.
Binanın hər cür silahlı hücumlara hətta kimyəvi və nüvə hücumlara qarşı dayanıqlı inşa edildiyi, ən son təhlükəsizlik texnologiyalarının qurulacağı bildirilir.
Bina gizli dinlənilmələrə qarşı da xüsusi olaraq layihələndirilib. Bundan əlavə binanın altında "Böhran Mərkəzi" adı verilən xususi otaq da olacaq.
