Ağ ev: Bu, Rusiyanın nə qədər zəiflədiyini göstərir
"Səudiyyə Ərəbistanı ilə danışıqlara getmək Rusiyanın zəiflədiyini bir daha sübut edir"
Ağ evin rəsmi nümayəndəsi Coş Ernest Rusiya ilə Səudiyyə Ərəbistanı arasındakı danışıqları şərh edərkən belə deyib.
Ölkə.az xəbər verir ki, Rusiyanın Səudiyyə Ərəbistanı başda olmaqla digər OPEC ölkələri ilə son günlər apardığı danışıqlara Ağ ev münasibət bildirib.
Coş Enrest Moskva-Ər-Riyad danışıqlarını şərh edərək bildirib ki, bu addımlar Rusiya iqtisadiyyatının nə qədər zəiflədiyini göstərir.
Onun sözlərinə görə, artıq Rusiya vəziyyətin nə qədər ağır olduğunu hiss edərək OPEC üzvlərini neft hasilatını azaltmağa sövq etməyə çağırır.
Xatırladırıq ki, dünən Rusiyanın enerji naziri Aleksandr Novak OPEC ölkələrinə hasilatı 5% azaltmağı təklif edəcəklərini bildirmişdi.
