Putindən orduya tapşırıq: Kiyev alınmalıdır - FT

Vaşinqtonun Rusiya-Ukrayna mühariəsində irəliləyişin olması barədə  verdiyi açıqlamalarına baxmayaraq, Moskva və Kiyev Ağ Evin vasitəçiliyi ilə sülh danaışqılarını davam etdirməyin mənasını görmürlər. Bu səbəbdən də tərəflər   hazırkı mərhələnin çıxılmaz vəziyyətə düşdüyünə inanırlar.

Ölkə.az  “Financial Times”ə istinadən xəbər verir ki, həm Kiyev, həm də Moskva diplomatik prosesin faktiki olaraq çıxılmaz vəziyyətə düşdüyünə və mövcud şəraitdə yenidən başlama ehtimalının az olduğuna inanırlar.

Ona görə də bu mərhələdə hər iki tərəf diplomatik kompromisə deyil, daha çox hərbi təzyiqə güvənir.

FT mənbələrinə görə, Rusiya Prezidenti Vladimir Putin getdikcə güc yolu ilə nəticə əldə etməyə və ərazi tələblərini genişləndirməyə diqqət yetirir. Nəşr  mənbəyə istinadən qeyd edib ki, Putin hərbi uğur perspektivlərinə əmindir.

"Mən ondan hazırkı cəbhə xəttindəki işləri bitirməsini tələb etdim. O, daim deyir: “Xeyr, mən bu məsələdə güzəştə gedə bilmərəm”", -etibarlı mənbə FT-yə bildirib.
Başqa bir həmsöhbət Kremlin məntiqini belə təsvir edir:

"Putin Zaporojyeni, Donbası, Xersonu almayacaq. Amma unutmayın ki, plan həmişə Kiyevi almaq idi. Tapşırıq qoyulub və yerinə yetirilməlidir... Ona deyirlər ki, ukraynalılar müqavimət göstərir, cəbhələri dağılır və adamları yoxdur".

Kiyev əvvəlki diplomatik cəhdlərin heç bir nəticə vermədiyinə inanır. Ukrayna rəsmilərindən biri bildirib ki, Amerika tərəfi Rusiya tərəfində heç bir irəliləyiş əldə etməyib.
Mənbələrin  verdiyi məlumata görə, Ukrayna tərəfi də ABŞ-ın Moskvanı tələblərini yumşaltmağa məcbur edə bilməməsindən məyusdur. Kiyev danışıqları faktiki olaraq dondurulmuş hesab edir.

Rusiya da öz növbəsində Kiyevin Donbas məsələsində güzəştləri olmadan dialoqun mümkün olmadığını iddia edir.

"Həqiqət budur ki, Rusiya hələ də maksimalist tələblərinə əməl etməklə döyüş meydanında qələbə qazanmağa çalışır ", - yüksəkçinli alman diplomat  FT-yə açıqlamasında deyib.

Mürtəza