Moskvada yanğında 9 nəfər ölüb
Ölənlər Orta Asiya respublikalarının vətəndaşlarıdır.
Moskvanın şərqində yerləşən tikiş müəssisəsində baş vermiş güclü yanğın nəticəsində 9 nəfər ölüb.
Bu barədə ölkənin fövqəladə xidmətindən məlumat verilib.
İlkin məlumata əsasən, ölən şəxslər Orta Asiya respublikalarının vətəndaşlarıdır.
Məlumata görə, müəssisənin 500 kv.m sahəsini əhatə etmiş yanğın gecə 01.55-də söndürülüb. Yanğının söndürülməsinə ümumilikdə 123 yanğınsöndürəndən ibarət 38 briqada cəlb olunub.
İlkin məlumata görə, yanğına səbəb elektrik avadanlıqda nasazlıq və odla ehtiyyatsız davranma olub. (oxu.az)
