Ərəb kanalları İŞİD-i lağ obyektinə çevirdilər

Ölkə.az xəbər verir ki, Yaxın Şərq ölkələrinin televiziya kanallarında İraq Sam İslam Dövlətini (İSİD) məsxərəyə qoyan proqramlar yayımlanmağa başlayıb

Ərəb mədəniyyətində əhəmiyyətli yeri olan satiralara mövzu olan İŞİD-in son olaraq cizgi filmi çəkilib. İraq dövlət televiziyası "Əl-İraqiyyə" kanalında yayımlanan cizgi filmi gənc və bacarıqsız İŞİD teroristinin sərgüzəştlərindən bəhs edir. 

Cizgi filminin bir seriyasında sarsaq terrorçu atdığı raket ilə öz komandirini ayağından vurur. Digər bir seriyasında isə İŞİD terrorçusu iraqlı əsgərləri vurmaq istəsə də silahını tərs tutduğu üçün komandirini vurur.

Cizgi filmində "cihadçıların" radikal fikirləri də məsxərəyə qoyulur. İŞİD-in İslam ehkamlarına kor-koranə bağlı oldugu üçün VII əsrdən sonra bəşəriyyətdə baş vermiş heç bir dəyişikliyi qəbul etməyən səfeh bir qruplaşma oldugu vurğulanır.

Bu proqramların məqsədi bu terror təşkilatına qatılmaq istəyənlərə İŞİD-in iç üzünü göstərməkdir.

Livanda yayımlanan başqa bir satirik proqram olan "Ktir Salbe " adlı verilişin senari müəllifi Nabil Əssaf açıqlamasında "Bu insanlar İslamı düzgün təbliğ etmirlər və ona görə də bu proqramlarla onlara qarşı olduğumuzu göstəririk", deyə bildirib.

Mete

Ölkə.Az