Məhəmməd peyğəmbərin qəbri dağıdılacaq
Səudiyyə Ərəbistanının Mədinə şəhərində olan Məscidi Nəbəvinin genişləndirilməsi məqsədilə aparılacaq yenidənqurma işləri üçün Həzrəti Məhəmməd s.a.s-in məzarının yerinin dəyişdiriləcəyi iddia edilir.
Ölkə.az İngiltərənin "Independent" qəzetinə istinadən xəbər verir ki, "Məscid-i Nəbəvi"nin yenidən qurulması işlərinin layihəsini hazırlayan Riyad universitetinin akademiki Dr. Əli bin Əbdüləziz əl Şabal Məhəmməd peyğəmbərin həyat yoldaşlarının və qızlarının qəbirlərinin yerinin dəyişməsini təklif edib.
Milyonlarla müsəlmanın hər il ziyarət etdiyi İslam peyğəmbərinin mərazının müqəddəs yerin yaxınlığında yerləşən "Əl Baki" qəbirsanlığına köçürülməsi təklif edilir.
Qeyd edək ki, verilən məlumatda bu plan haqqında hal hazırda dəqiq qərar verilmədiyi bildirilir.
Orxan Mete
Ölkə.Az
