ABŞ-nin nüvə silahı xərcləri rekord həddə çatdı
ABŞ-nin 2025-ci ildə nüvə silahlarına xərcləmələri əvvəlki illə müqayisədə 22% artaraq 69,2 milyard dollar təşkil edib.
"Ölkə.az" xəbər verir ki, bu barədə məlumat Nüvə Silahlarının Ləğv Edilməsi üzrə Beynəlxalq Kampaniyanın (ICAN) dərc etdiyi mətndə yer alıb.
Təşkilatın hesabatında deyilir: “Birləşmiş Ştatlar növbəti dəfə bütün digər nüvə silahı dövlətlərinin cəmindən çox xərcləyib: 69,2 milyard dollar. Qeyd olunur ki, bu, 2024-cü illə müqayisədə 22% artıma uyğundur.
Təşkilatın məlumatına görə, nüvə silahına xərclənən vəsaitə görə Çin ikinci (13,5 milyard dollar), Böyük Britaniya üçüncü (12,6 milyard dollar), Rusiya dördüncü (9,5 milyard dollar) yer alıb. Ümumilikdə, ICAN ekspertlərinin hesablamalarına görə, hesabatda təmsil olunan doqquz nüvə silahı dövlətinin xərcləri təxminən 119 milyard dollar təşkil edib.
