Zelenskinin PUA-larla bağlı etirafı: Bu, kütləvi xarakter daşımır
Volodimir Zelenski Baltikyanı ölkələrin hava məkanına daxil olan pilotsuz uçuş aparatlarının Ukraynaya məxsus olduğunu etiraf edib və bu kimi halların fərdi xarakter daşıdığını bildirib.
"Ölkə.az" xəbər verir ki, o bu barədə Şimali Avropa və Baltikyanı ölkələrin liderləri ilə keçirdiyi birgə mətbuat konfransında vurğulayıb.
"Əgər Latviya, Litva və Estoniya səmasında Ukrayna dronu peyda olursa, bu, kütləvi xarakter daşımır. Belə fərdi hallar qeydə alınıb", - deyə Ukrayna Prezidenti vurğulayıb.
Qeyd edək ki, son vaxtlar Baltikyanı regionda Ukrayna pilotsuz uçuş aparatlarının (PUA) aşkar edilməsi barədə məlumatlar intensivləşib. Litva, Latviya və Estoniya ərazilərində Ukraynaya məxsus PUA-ların qəzaya uğraması barədə rəsmi hesabatlar yayılıb. Oxşar hadisələrin Finlandiya hava məkanında da qeydə alındığı bildirilir.(Teleqraf)
