Tramp İrandan Nətənz və Fordo obyektlərinin sökülməsini tələb edir - "New York Times"

Donald Trampın komandası İranın nüvə proqramı ilə bağlı danışıqlar aparır və bu danışıqların şərtləri 2015-ci ildə Barak Obama administrasiyası tərəfindən Birgə Hərtərəfli Fəaliyyət Planı (JCPOA) çərçivəsində tətbiq edilən məhdudiyyətlərdən xeyli sərt ola bilər.

"Ölkə.az" “The New York Times”a istinadla xəbər verir ki, Vaşinqton İranın uran zənginləşdirmə proqramının uzunmüddətli dayandırılmasını, eləcə də Natanz, Fordo və İsfahandakı əsas nüvə obyektlərinin sökülməsini istəyir.

Bundan əlavə, ABŞ İranın zənginləşdirilmiş uran ehtiyatının beynəlxalq nəzarət altında azaldılmasını tələb edir. Amerika tərəfi həmçinin müfəttişlərə həm ölkənin nüvə, həm də hərbi obyektlərində planlaşdırılmamış yoxlamalar aparmaq hüququ verilməsində israr edir.

Məlumata görə, Tehran iki ən böyük nüvə obyektinin bağlanmasını müzakirə etməyə razılıq verərək güzəştə getməyə hazır olduğunu göstərib, lakin bütün uran zənginləşdirmə obyektlərinin tamamilə bağlanmasına qəti şəkildə qarşı çıxıb.

Elvin

Ölkə.az