Papa macəra filmində çəkiləcək
Roma Papası Fransisk "Günəşin o tayında" (Beyond the Sun) adlı ailəvi macəra filmində çəkiləcək.
Ölkə.Az-ın buro247.az-a istinadən verdiyi məlumata görə, "AMBI Pictures" kinoşirkətinin istehsalı olan layihədə Papa öz rolunu canlandıracaq. Filmin süjeti Yevangeliyadan götürülüb və Məsihin axtarışında apostolları simvolizə edən müxtəlif mədəniyyətə mənsub uşaqlardan bəhs edir. Layihənin ssenari müəllifi Qrasiela Rodrigesdir.
Ekran işindən əldə edilən gəlir Argentinada risk qrupuna daxil olan uşaqlara və çətin tərbiyə edilən yeniyetmələrə yardım göstərən uşaq evlərinin hesabına köçürüləcək.
Filmin çəkilişlərinə yaxın zamanlarda başlanılacaq.
