Etirazçılar Parlament binasına hücum etdilər

İraqın paytaxtı Bağdad şəhərində 100-dən artıq nümayişçi ölkə parlamentinə basqın edərək parlament binasını viran qoyublar

Ölkə.az-ın "Reuters"ə istinadən verdiyi məlumata görə, etirazçılar iyun ayında Tikrit şəhərində İŞİD-ə əsir düşmüş İraq odrusunun əsgərlərinin ailə üzvləridir.

Verilən məlumatda bildirilir ki, əsir düşmüş əsgərlərin taleyi barədə məlumat əldə etmək üçün ailə üzvləri  bu gün iraqlı millət vəkilləri ilə görüşməliiymişlər. Ancaq parlamentin qarşısında aksiya keçirən əsgər yaxınlarından bir qrup məclis binasına qəfil hücum edib. Hadisə şahidi olmuş jurnalistin dediyinə görə, etirazçılar parlamentə basqın edərək mühafizəçiləri döyüblər və iclas salonundakı əşyalara ciddi ziyan vurublar.

Qeyd edək ki, iyun ayından bu yana İraqda fəallaşan İŞİD qruplasması ölkənin şimal ərazilərini öz nəzarəti altına alıb. İraq hökuməti İŞİD ilə mübarzə üçün beynəlxalq ictimaiyyətə müraciət edərək kömək istəyib. Hazırda ölkənin şimalında qanlı döyüşlərin getdiyi barədə xəbərlər gəlir.

METE

Ölkə.Az