Rusiya ukraynalı oliqarxın əmlakına həbs qoydu

Rusiyada ukraynalı milyarder İqor Kolomiyskinin əmlakına həbs qoyulub.

Ölkə.az "Rosbalt" agentliyinə istinadən xəbər verir ki, Rusiya İstintaq Komitəsinin rəsmi nümayəndəsi Valadimir Markin bu gün "Maydan hərəkatının" əsas sponsorlarından biri olan ukraynalı, yəhudi əsilli İqor Kolomiyskinin Rusiyadakı aktivlərinə həbs qoyulduğunu bildirib.

Xatırladırlq ki, Rusiyanın ən böyük daşınmaz əmlak şirkətlərindən biri olan "Elit Holdinq" Qapalı səhmdar cəmiyyətinin həmtəsisçisi məhz İqor Kolomiyskidir.

Agentliyin xəbərində adı çkilən şirkətə Moskvada onminlərlə kvadrat metr sahəsi olan yaşayış kompleksləri və ofis mərkəzləri məxsusdur. Bundan başqa İstintaq komitəsi Kolomiyskiyə qarşı qaldırdığı cinayət işi çərçivəsində onun Krımdakı aktivlərinə də həbs qoyub.

Ölkə.az