Hər evlənən İŞİD döyüşçüsünə 1200 dollar...

"Ekstremist terror təşkilatı İŞİD sıralarına qoşulan hər bir döyüşçüyə ayda 400 dollar pul ödəyir. Evlənən təşkilat üzvünə isə 1200 dollar verilir"

Ölkə.Az "Haaretz" qəzetinə istinadən xəbər verir ki, bu məlumatı İsrail kəşfiyyatı əldə edib.

Suriyada 20 min döyüşçüsü olan olan təşkilat illik maaş ödənişləri üçün 100 milyon dollar xərcləyir. Suriyada orta aylıq gəlirin 150 dollardan aşağı olması suriyalı gənclərin İŞİD-ə qoşulmasının başlıca səbəblərindəndir.

Suriya və İraqın şimalında hakimiyəti ələ keçirən İraq-Şam İslam Dövlətinə yeni döyüşçülərin cəlb olunmasında da məhz maaşın yüksək olması əsas rol oynayır. Evli olan İŞİD üzvü hər arvadına görə 100 dollar  hər uşağına görə isə əlavə olarq 50 dollar pul alır. Gündəlik 100 milyon dollar gəliri olan İŞİD bu xərcləri rahatlıqla ödəyə bilir.

İŞİD-ın sosial siyasəti bununla bitmir, evlənən hər teroristə birdəfəlik 1200 dollar ödənilir və evlə təmin olunur. Ələ keçirilən bölgələrdə tərk edilmiş  bütün evlərdə İŞİD öz döyüşçülərini yerləşdirirlər.

Qeyd edək ki, İŞİD nəzarəti altında olan neft quyularından əldə edilən xam neftin satışından və bu bölgələrdən yığilan vergilərin hesabına artıq özünün büdcəsini formalaşdıraraq get-gedə həqiqətən də bir dövlətə çevrilməkdədir.

METE

Ölkə.Az