Pakistan inqilabın astanasında

Pakistanda dövlət televiziyası nümayişçilər tərəfindən ələ keçirilib

Ölkə.Az bildirir ki, Pakistanda hökümət əlehinə avqust ayının əvvəlindən başlayan nümayişlərin miqyası getdikcə artır.

Polis və etirazçılar arasında baş verən qarşıdurmalar dünən də davam edib. Yerli KİV-lərdə onlarla yaralının olduğu xəbəri yayılıb.

Bazar günü Nazirlər kabineti binasına irəliyəyən nümayişçilər dünən də dövlət televiziyasının binasını ələ keçiriblər. 

Dünən gecə isə ordunun müdaxiləsindən sonra televiziya binası etirazçılardan azad edilib. Pakistanın müdafiə naziri Xavadja Asif "Reuters" agentliyinə verdiyi müsahibəsində baş nazir Nəvaz Şərifin istefasını tələb edən nümayişçilərə qarşı güc tətbiq ediləcəyini bildirib. Asif qeyd edib ki, ictimai qurum və təşkilatları hədəf seçən nümayişçilər həbs ediləcək və ordu ölkədə daxili çaxnaşma yarada biləcək bütün qüvvələrə qarşı sərt addımlar atmağa hazırdır.

Qeyd edək ki, bazar günü nümayişçilərin nazirlər kabinetinin binasına doğru irəliləməsi zamanı polis etirazçıları bibər qazı və dəyənəklərlə dağıtmağa çalışıb. Baş verən qarşıdurmada üç nümayişçi ölmüb, onlarla insan isə yaralanıb.

METE

Ölkə.Az