Con Kerri: "Rusiya Suriyada qadın və uşaqları kütləvi şəkildə qırır"
ABŞ-ın dövlət katibi Con Kerri Rusiyanın Suriyadakı əməliyyatlarını sərt şəkildə tənqid edib.
Ölkə.az xəbər verir ki, ABŞ KİV-lərinə açıqlama verən Con Kerri Suriya problemini şərh edib.
O, bildirib ki, Rusiyanın Suriyada həyata keçirdiyi hərbi əməliyyatlar nəticəsində bu ölkədə dinc əhali, qadınlar və uşaqlar kütləvi şəkildə qırılır.
"Bu vəhşiliyə son vermək lazımdır", deyə Kerri vurğulayıb.
Xatırladırıq ki, Rusiyanın Bəşər Əsədi dəstəkləmək üçün Suriyada həyata keçirdiyi hərbi əməliyyatlar tam gücü ilə davam edir. Rus aviasiyası müxalifətin nəzarətində olan şəhərləri və yaşayış məntəqələrini bombalamaqda davam edir.
