Ərdoğan: "Suriyalıları ölkələrindən qaçmağa məcbur edən rus bombardımanlarıdır"
Onminlərlə suriyalı qaçqın yenidən Türkiyə sərhədinə üz tutub.
Ölkə.az xəbər verir ki, Rusiyanın dəstəyi ilə Hələbi mühasirəyə alan Əsəd ordusundan qaçan on minlərlə qaçqın Türkiyəyə üz tutub.
Bu isə Avropaya yeni miqrant axını deməkdir. Peruda səfərdə olan Türkiyə prezidenti Rəcəb Tayyib Ərdoğan son hadisələri şərh edərkən bildirib ki, Suriyadan Avropaya qaçqın axınının qarşısını almağın yeganə yolu rusların bombardmanı dayandırmasıdır.
"Bizim avropalı dostlarımız istəyir ki, biz qaçqın selinin qarşısını alaq. Axı biz bunu Əsəd və Rusiyanın bu insanları havadan və qurudan bombaladığı bir vaxtda necə edə bilərik? İnsanlar Əsədin zülmündən və Rusiyanın bombalarından qaçırlar", deyə Ərdoğan bildirib.
Daha sonra qeyd edib ki, Türkiyə artıq 2,5 milyon qaçqını qəbul edib və yeni qaçanları isə sərhəddə çox saxlamaq mümkün olmayacaq.
