ABŞ-da iki təyyarə göydə toqquşdu
ABŞ-ın Los Anceles şəhəri yaxınlığında iki yüngül motorlu təyyarə göydə toqquşub.
APA-nın xəbərinə görə, bu barədə “Los Angeles Times” qəzeti yazıb.
Şahidlərin sözlərinə görə, təyyarələrdən biri meqapolisin San-Pedro bölgəsində suya düşüb.
Hazırda xilasedicilər tərəfindən ərazidə axtarış işləri həyata keçirilir. Əməliyyata yanğınsöndürənlər və sahil mühafizə xidmətinin qüvvələri cəlb edilib.
Qəzanın səbəbləri və təyyarələrin göyərtəsində olanların sayı barədə hələlik məlumat verilmir.
