Çin daha 99 milyard dollar itirdi
İqtisadçılar azalmanın daha çox olacağını gözləyirdilər.
Yanvarın yekunları üzrə Çinin Xalq Bankının valyuta ehtiyatlarının həcmi daha 99,5 milyard dollar azalıb.
Ölkənin valyuta ehtiyatlarının həcmi 3,33 trln. dollardan 3,23 trln. dollaradək azalıb. İqtisadçılar azalmanın daha çox – 3,21 trln. dollaradək olacağını gözləyirdilər.
Qeyd edək ki, 2015-ci ilin yekunları üzrə ÇXR-in valyuta ehtiyatları 1992-ci ildən sonra ilk dəfə azalıb.
Dekabrın yekunları üzrə valyuta ehtiyatları 107,9 mlrd. dollar, ümumilikdə ötən il üzrə isə 512,66 mlrd. dollar azalıb. (oxu.az)
