Hakimi döyən 3 futbolçu həbs olundu
Türkiyənin İzmir şəhərində həvəskar futbol liqasının matçında hakimi döydükləri üçün mühakimə olunan 3 futbolçu bu gün məhkəmə tərəfindən, "Qəsdən sağlamlığa xəsarət yetirmək" maddəsi ilə 2 il həbs cəzasına məhkum edilib.
3 il öncə oynanan Bolvadin Belediyespor- Akören Belediyespor matçında hakimin qərarını bəyənməyən 3 futbolçu, hakimi yerə yıxaraq onu təpikləyiblər.
Bundan sonra iş məhkəməyə verilib. 3 il çəkən məhkəmə müzakirələrindən sonra, futbolçular həbs edilib. Hakimin vəkili mediaya açıqlamasında bunları deyib: "Bu qərar, bu hadisə bütün futbolçulara dərs olmalıdır. Onların işi futbol oynamaqdır, hakim döymək deyil". (musavat)
