Ağ Evdən İran açıqlaması: Çox ağır zərbə vurulub

"İrana çox, çox ağır zərbə vurulub. Onlar hərbi cəhətdən demək olar ki, hər şeyi itiriblər. Onların bəzi raketləri var. Bəzi dronları var. Onların müəyyən istehsal gücü var, çox deyil. Onların çox az şeyi qalıb".

Ölkə.az xəbər verir ki, bunu ABŞ Prezidenti Donald Tramp bazar ertəsi deyib.

Tramp əlavə edib ki, ABŞ bu axşam onlara yenidən güclü zərbə endirib və bundan sonra da çox güclü bir zərbə endirəcək. O əlavə edib ki, ABŞ Hörmüz boğazına nəzarət edir, İran isə heç nəyə nəzarət etmir.

ABŞ-ın Yaxın Şərqdəki Mərkəzi Komandanlığı (CENTCOM) Amerika qüvvələrinin İran hədəflərinə ardıcıl olaraq doqquzuncu gecə hücumlar seriyasına başladığı barədə məlumat verib.

Tehranla danışıqlara gəldikdə isə ABŞ dövlət katibi Marko Rubio bildirib ki, ABŞ İranla münaqişənin diplomatik həlli yollarını axtarmağa davam edəcək. “Vaşinqton Tehranla münaqişənin diplomatik yolla həllinə açıqdır. Biz İranla dəfələrlə (belə bir həll yoluna nail olmaq üçün) cəhd etmişik və etməyə davam edəcəyik. Əgər bu qapı açılsa, biz buna sevinəcəyik", - Rubio qeyd edib.

Diplomatik səylər uğursuz olarsa nə baş verəcəyi ilə bağlı suala Rubio belə cavab verib: "Düşünmürəm ki, bu, İran üçün yaxşı olar. Yəni, İran iqtisadiyyatı bərbad vəziyyətdədir".

Mürtəza