Səudiyyə Ərəbistanı Suriyaya qoşun göndərməyə hazırdır
Səudiyyə Ərəbistanı krallığı İŞİD-lə mübarizə üçün Suriyaya xüsusi təyinatlıları göndərməyə hazırdır.
Ölkə.az xəbər verir ki, bu məsələ ABŞ dövlət katibi Con Kerri və Səudiyyə Ərəbistanının XİN başçısı Adil əl-Cübeyrin görüşündə müzakirə olunub.
Adil əl-Cübeyr ölkəsinin ABŞ başda olmaqla Suriyada İŞİD-lə mübarizə aparan koalisiya qüvvələrinə dəstək üçün əsgər göndərə bilər.
Xatırladırıq ki, rəsmi Ər-Riyad bu haqda bir neçə gün öncə də elan etmişdi və bu bəyanata Suriya, İran və Rusiya hakimiyyətləri çox sərt reaksiya vermişdilər.
