ABŞ İŞİD-ə qarşı koalisiya yaradır

Vaşinqton “İslam dövləti”nə qarşı beynəlxalq koalisiyanın yaradılması planı üzərində işləyir.

Ölkə.az-ın "Amerikanın səsi"nə istinadən verdiyi məlumata görə, bunu jurnalistlərə açıqlamasında Dövlət departamentinin rəsmisi Cen Psaki deyib.

Onun sözlərinə görə, rəsmi Vaşinqton koalisiyanı Avropa ölkələri, ərəb ölkələri və “İslam dövləti”nə qarşı mübarizəyə qoşulmağa hazır olan digər ölkələrlə birlikdə yaradacaq.

"Həm humanitar, həm hərbi, həm də diplomatik sahədə səylər göstərmək lazımdır. Bu səylər yalnız təkcə ABŞ-dan yox, digər ölkələrdən də gəlməlidir. Artıq bu istiqamətdə Avstraliya, Kanada, Fransa, Almaniya, İordaniya, Səudiyyə Ərəbistanı, Böyük Britaniya və digər ölkələrdən dəstək almışıq”, – deyə C.Psaki əlavə edib.

Ölkə.az