Səudiyyə qoşunları Türkiyəyə gəlir
Səudiyyə Ərəbistanının qırıcı təyyarələri və quru qoşunlarına aid birliklər Türkiyəyə gəlir.
Ölkə.az xəbər verir ki, bunu Türkiyənin XİN başçısı Mövlud Çavuşoğlu təsdiqləyib.
Onun sözlərinə görə, artıq Suriyada quru əməliyyatlarında iştirak etmək üçün Səudiyyə Ərəbistanının hərbi kontingenti Türkiyəyə yola düşüb.
Türkiyədəki NATO-nun İncirlik hərbi bazasına Səudiyyə hərbi-hava qüvvələrinin qırıcı-bombardımançı təyyarələri də gətiriləcək.
Hələlik Səudiyyənin Suriya əməliyyatı üçün Türkiyəyə nə qədər əsgər göndərdiyi haqda detallı məlumat verilmir.
