Türkiyədə gərgin gecə: 2 məktəb yandırıldı
Türkiyənin Şırnak vilayətində təhlükəsizlik qüvvələri ilə PKK silahlıları arasında atışma baş verib.
Ölkə.Az Türkiyə mətbuatına istinadən xəbər verir ki, vilayətin İdil rayonunda gərginlik havanın qaralmasından sonra başlayıb.
Yeni və Atakənd məhəllələrində xəndəklərdə və barrikadaların arxasında gizlənmiş terrorçular zirehli texnika ilə reyd keçirən polisləri atəşə tutublar.
Polisin cavab atəşi açması ilə tərəflər arasında atışma olub.
Rayon ərazisində atışmaların davam etdiyi bildirilir.
Həmçinin ötən axşam Mardin vilayətində PKK terrorçuları iki məktəbi yandırıb. Terrorçular rayonun Yenişehir məhəlləsindəki “Yavuz Selim” ibtidai məktəbini və “Merkez” orta məktəbini yandırıblar. Yollarda qurulmuş barrikadalar və qazılmış xəndəklər səbəbindən yanğından mühafizə briqadaları hadisə yerinə gedə bilməyiblər.
