Daha bir həkim Ebola xəstəliyindən öldü
Daha bir həkim Ebola xəstəliyindən həyatını itirib.
Hadisə Afrikada, daha dəqiq desək, Sierra Leonedə baş verib.
Sierra Leonenin dövlət başçısı Ernest Bai Koromanın məsləhətçisi İbrahim Karqbonun verdiyi açıqlamada bildirib ki, ölkənin şərqindəki Kenema bölgəsində bir klinikada işləyən həkim Sahr Rogers Ebola xəstəliyi səbəbindən vəfat edib.
Qeyd edək ki, bu ölkədə daha əvvəl Ebola virusuna yoluxan 2 həkim də dünyasını dəyişmişdi.
Dünya Səhiyyə Təşkilatının məlumatlarına görə, Ebola xəstəliyi Qvineya, Liberiya, Sierra Leone və Nigeriyada 120-dən çox səhiyyə işçinin ölümünə səbəb olub. (anspress)
Ölkə.Az
