Terror təşkilatının lideri Ankara teraktından danışdı

PYD terror təşkilatının lideri Saleh Müslim Ankaradakı terror hadisəsinə münasibət bildirib

Ölkə.Az xəbər verir ki, PKK terror təşkilatının Suriya qolu olan PYD-nin lideri Saleh Müslim Ankarada baş vermiş terror hadisəsini YPG-nin təşkil etmədiyini iddia edib.

AFP-yə danışan Müslim PYD-nin silahlı qanadı YPG-nin Ankara teraktı ilə əlaqəsi olmadığını bildirərək bu hadisə ilə əlaqələri olmadığını qətiyyətlə qeyd edib.

"Reuters" agentliyi də Saleh Müslimin bu sözlərinə diqqət çəkib: "YPG Türkiyə dövlətini düşmən kimi görmür".

Türkiyə baş naziri Əhməd Davudoğlu isə 28 nəfərin həyatını itirdiyi teraktla bağlı bu gün verdiyi bəyanatda hadisəni YPG-nin etdiyini vurğulayıb:

"Bu təcavüzü Türkiyə daxilindəki separatçı terror təşkilatı üzvləri ilə YPG-yə yaxın bir şəxs birlikdə həyata keçiriblər. Bu şəxs PKK və YPG-yə mənsub bir şəxsdir. Hadisənin YPG ilə əlaqəsi ortadadır. Terror hadisəsnin törəsən həmin şəxs 1992-ci il təvəllüdlü Amudədə dünyaya gəlmiş Saleh Neccardır".

Qeyd edək ki, rəsmi məlumatlara görə, terror hadisəsinə görə cinayət işi açılıb və hazırda teraktla bağlı 9 nəfər saxlanılıb.