Ərdoğan: \"PYD-nin əsl üzünü dünya gördü\"

Türkiyə prezidenti Ərdoğan Silahlı qüvvələrin Baş qərargahına gəlib.

Ölkə.az xəbər verir ki, Ankara terrorunda hərbçilərin ölməsi ilə bağlı millətə və ordu komandanlığına başsağlığı verən prezident terroru lənətlədiklərini bildirib.

O, qeyd edib ki, hazırda terror aktı ilə əlaqədar 14 nəfər həbs edilib və davamı da gələcək. Araşdırmanın davam etdiyini bildirən Ərdoğan türk ordusunun əməliyyatlarının nəticə verdiyini vurğulayıb.

"Bu hadisə onu göstərdi ki, PKK və PYD beynəlxalq terror təşkilatlarıdır və onların kökü kəsilməlidir. Bu qanlı hadisə dövlətimizin, ordumuzun doğru yolda olduğunu bir daha göstərdi", deyə Türkiyənin dövlət başçısı bildirib.

Ölkə.az