Moskvada ikinci bomba həyəcanı
Rusiyanın paytaxtında ikinci terror həyəcanı yaşanıb.
Ölkə.az rus mediasına istinadən xəbər verir ki, Moskvada naməlum şəxs məşhur "Aşan" hipermarketlər şəbəkəsinin marketlərinin minalandığını bildirib.
Polisə zəng edən naməlum şəxs "Aşan" şəbəkəsinin partladılacağını iddia edib.
Dərhal hərəkətə keçən hakimiyyət orqanları Moskvadakı 12 "Aşan" hipermarketindən ümumilikdə 11 min insanı evakuasiya ediblər.
Hazırda şəbəkənin mağazalarında minaaxtaranlar işləyir. Hələlik bombaya rast gəlinməyib.
