Bəşər Əsəddən sərsəm açıqlamalar

Suriyanı qan gölünə çevirən Bəşər Əsəd Türkiyəyə qarşı ağır ittihamlar səsləndirib.

Ölkə.Az xəbər verir ki, İspaniyanın "El Pais" qəzetinə kritik açıqlamalar verən Əsəd bunları qeyd edib:

"Hərbi əməliyyatları dayandırmağa hazır olduğumuzu daha böncə də bildirmişdik, lakin, bu məsələnin daha vacib amillərlə bağlılığı var. Məsələn, terrorçuların bu vəziyyətdən istifadə edərək mövcud pozisiyalarını irəli aparmalarının qarşısının alınması kimi... Atəşkəs elan etməklə iş bitmir. Digər ölkələrin də, xüsusilə də Türkiyənin terrorçulara insan, silah və hər cür logistika dəstəyi verməsinə qadağa gətirilməlidir".

Hələ də hakimiyyəti təhvil verməməkdə müvəffəq olmasının səbəbini Rusiya və İrana görə olduğunu xüsusi vurğulayan Əsəd buna onlara borclu olduğunu qeyd edib.

Əsədə verilən ən maraqlı suallardan biri olan “10 il içində özünüzü necə görürsünüz?” sualına belə cavab verib: “Vacib olan ölkəmi necə görməyimdir. Çünki mən ölkəmin bir parçasıyam. 10 il içndə Suriyanı azad etmək istəyirəm. Bu o demək deyil ki, prezident olaraq qalım. Bu müddət ərzində mən öz vəzifəmdən bəhs etmirəm. Suriya yaxşı olacaq və mən bu ölkəni xilas edən adam olacağam. Hazırda da bu mənim başlıca qarşıma qoyduğum məqsədim və işimdir".

10 il sonrakı iqtidarı da dəyərləndirən Əsəd niyyətinin heç də daimi ölkə rəhbəri qalmaq olmadığını qeyd edib.