Ankara üçün ikinci terror hücumu həyəcanı: Prezident və baş nazirin iqamətgahı hədəfdədir

PKK terror təşkilatının Suriya qolu olan PYD-nin bombalı terror hadisəsi törədəcəyi haqda məlumat yayılıb.

Ölkə.Az xəbər verir ki, hüquq-mühafizə orqanları Türkiyənin paytaxtı Ankarada 28 nəfərin öldüyü terror hadisəsini törədən PKK-nın Suriya qolu PYD-nin yeni terror hadisələri törətmələri haqda məlumat əldə edib. Hədəflər arasında prezident və baş nazirin iqamətgahları ilə yanaşı Türkiyə parlament binasının da olduğu deyilir.

Türkiyə prezidentinin iqamətgahı

Ankarada dövlət əhəmiyyətli binalara yaxın avtomobil dayanacaqları xüsusi nəzarətə götürüldü

Türkiyə, Ankaradakı 29 nəfərin həyatını itirməsi, 61 nəfərin isə yaralanması ilə nəticələnən 17 fevral terror hadisəsində aidiyyatı qurumların təhlükəsizlik tədbirlərini almadıqları müzakirə edilərkən Baş Polis İdarəsinin separatçı terror təşkilatı PKK-nın Suriya qolu PYD/YPG-yə aid verdiyi kəşfiyyat hesabatı ilə gündəmə gəlib.

Hüquq-mühafizə orqanları PYD/YPG-nin Türkiyənin paytaxtında ikinci terror hadisəsi hazırlığında olduğunu müəyyən edib. Kəşfiyyat Dairəsində hazırlanan hesabat prezidentə, baş nazirə, parlamentin və Ankara İcra Hakimiyyətinin aidiyyatı şöbələrinə göndərilib.

Hesabatda PYD/YPG-nin Ankarada yenidən səs gətirəcək terror hadisəsi törətmək istədikləri haqda məlumat yer alıb.

TƏHLÜKƏSİZLİK TƏDBİRLƏRİ ARTIRILMALIDIR

Hesabatda prezident və baş nazir iqamətgahlarının, parlament binasının, bir sıra universitet şəhərcikləri yaxınlığındakı təhlükəsizlik tədbirlərinin artırılması, bu bölgələrdəki avtomobil dayanacaqlarının daimi müşahidə altına alınması tələb olunub. PYD/YPG-yə bağlı təşkilat mənsublarının bəzi avtomobil dayanacaqlarına partladılması üçün bomba yüklənmiş maşınlar yerləşdirməyi planlaşdırdığı qeyd edilən hesabatda bu xəbərdarlıq da edilib:

"Terror hadisələrinin artdığı bu dövrdə terrorçuların hədəf seçdikləri dövlət əhəmiyyətli binalara yaxınlıqda yerləşən avtomobil dayanacaqlarına yerləşdirməyi planladıqları bomba yüklü avtomobilləri partlatmaqla səs-küylü terror hadisəsinə imza atmaq istəyirlər."

Qeyd edək ki, bu hesabatdan sonra Ankara İcra Hakimiyyəti və Polis İdarəsi paytaxtda belə bir terror hadisəsinin yenidən baş verməməsi üçün şübhəli şəxsləri və maşınları naəzarətə götürüblər.

Dayanacaqdakı maşınlar isə xüsusi aparat və təlimləndirilmiş itlərlə yoxlanılmağa başlanılıb.

Ölkə.Az