Ankarada 29 nəfəri öldürən terrorçunun atası danışdı

"Oğlumu düşərgə-düşərgə axtardım"

Ankarada hərbi xidmət maşınlarına yönəlik həyata keçirilən 29 nəfərin həyatını itirdiyi və 60-dan çox yaralının olduğu qanlı terror hadisəsinin cinayətkarı Terrorçu Əbdulbaki Sömerin atası Musa Sömer oğlu haqqında şok açıqlamalr edib. O, 2005-ci ildən bəri itən oğlunu tapmaq üçün PKK terror təşkilatının düşərgələrini gəzdiyini, ancaq heç kimin orada ona oğlu haqda hər hansı bir məlumat vermədiyini qeyd edib.

Ölkə.Az xəbər verir ki, Van şəhərinin Terrorla Mübarizə Şöbəsinin Qərargahında şübhəli sifəti ilə izahatı alınan Musa Sömer oğlunun 2005-ci ilin sentyabr ayında Vanın Gürpınar rayonu Tüzək kəndindəki evlərindən çıxaraq "Van Cümhuriyyət Liseyi"ə qeydiyyatını yeniləmə adı ilə getdiyini və bundan sonra onun haqda heç bir məlumata ala bilmədiyini vurğulayıb.

"ONU TELEVİZORDA GÖRDÜM"

"Van şəhərində polis bölməsinə gedərək oğlumun itdiyi haqda məlumat verdim, qeydiyyata alındı, o tarixdən bu günə isə oğlumdan heç bir xəbər ala bilməmişdim. Partlayışla bağlı xəbərləri televiziyadan izləyərkən terrorçu haqda məlumatda şəkli göstərilən şəxsin oğlum olduğunu gördüm. Ailəmizdə terror təşkilatı ilə əlaqəsi olan heç kəs yoxdur. Əbdulbaki birinci həyat yoldaşımdandan olan oğlumdur. Oğlumu tapmaq üçün 4 dəfə getdiyim Şimali İraq bölgəsində mənə hər dəfə oğlumun başqa düşərgələrində olduğunu bildirdilər. Mən bu düşərgələrə oğlumu tapar və razı edib geri gətirərəm ümidi ilə gedirdim", deyə terrorçu kamikadzenin atası bildirib və əlavə edib:

"Van şəhərindən Silopi sərhəd keçid məntəqəsinə avtobusla getmişdim. Buradan Şimali İraqda yerləşən Dohuk rayonuna öz pasportumla keçdim. Dohuktan da hər dəfə taksi ilə 2008-ci ildə Haftanin, 2011-ci ildə Zap, 2013-ci ildə Qare və 2014-ci ildə isə Metinadaki PKK düşərgələrinə getdim. Düşərgə girişində məni əli silahlı adamlar dayandırdılar və düşərgəyə girişimə icazə vermədilər. Giriş nöqtələrində təşkilat tərəfindən yaradılmış nizam-intizam təşkilat mənsubları ilə əlaqə yarada bildim. Hər dəfə terror təşkilatının başqa-başqa düşərgələrindəki şəxslərdən oğlum haqda soruşurdum. Xatırladığım qədəri ilə bir dəfə də Novruz bayramı münasibətilə yığılmış təşkilat üzvlərinə oğlumun fotosunu göstərdim, tanıyıb-tanımadıqlarını soruşdum. Onlar da mənə heç vaxt görmədiklərini dedilər".

PARTLAMADAN DƏRHAL ƏVVƏLKİ GÖRÜNTÜ

Ankaradakı qanlı terror hadisəsində istifadə edilən bomba ilə yüklənmiş maşının hadisənin baş verdiyi Mərasim Küçəyə girərkən görüntüsü yayılıb. Partlayışdan 2 dəqiqə əvvəl magistral yolda görülən maşın terror hadisəsinin həyata keçirildiyi "Mərasim" küçəsinə çıxır və bir anda alov topuna dönür...