Moskvada güclü yanğın

Bu gün Moskvanın cənubunda yerləşən Leninski Sloboda küçəsində böyük anbar yerlərində güclü yanğın başlayıb.

Bu haqda Rusiya Fövqəladə Hallar Nazirliyinin Moskva üzrə mətbuat xidməti bildirib.

Yanğın söndürənlər hadisə yerinə daxil olmuş təcili çağırışdan üç dəqiqə sonra gəliblər.

"Alışma birmərtəbəli anbar yerində baş verib. Zərər çəkənlər haqqında məlumat yoxdur. Yanğının sahəsi hələ təyin edilməyib, alışma lokallaşdırılmayıb", - deyə FHN-in mətbuat xidmətindən bildiriblər.

Şəhər sakinlərinin sosial şəbəkələrdə yaydığı şəkillərə əsasən yanğının sahəsi kifayət qədər böyükdür. Qara tüstünü paytaxtın mərkəzi küçələrindən belə rahat görmək olur. (anspress)

Ölkə.Az