Ukrayna kəşfiyyatı: Rusiya bizə qarşı casusluq müharibəsinə başlayıb
Ukrayna Təhlükəsizlik Xidməti bəyanat yayıb.
Ölkə.az xəbər verir ki, Ukraynanın xüsusi xidmət orqanları Rusiya kəşfiyyatının ölkələrinə qarşı casusluq müharibəsinə başladığını bildiriblər.
Bu haqda Ukrayna Təhlükəsizlik Xidməti rəhbərinin müşaviri Yuri Tandit yerli KİV-lərə verdiyi açıqlamasında bildirib.
"Hazırda biz Ukraynada rus kəşfiyyatının görünməmiş aktivliyini müşahidə edirik. Onlar bəzən bizim ərazilərimizə soxulmaq istəyirlər. Rus kəşfiyyatının aktivliyi o həddə çatıb ki, hətta onlar əsirləri dəyişdirərkən belə bizim hərbçilərimizi ələ almağa çalışırlar", deyə Tandit vurğulayıb.
