“Suriya atəşkəsinin gələcəyi bizi narahat edir”
“Dostumuz olan bütün ölkələrlə hər bir məsələni müzakirə etməyə hazırıq, amma Türkiyənin beynəlxalq təhlükəsizliyi məsələsində heç kimdən icazə almarıq”.
Bu barədə Türkiyə prezidentinin sözçüsü İbrahim Kalın bildirib.
“Bizim problemimiz Suriya kürdləri ilə deyil, YPG ilədir. Bizim problemimiz PKK-nın yeni bir dövlət yaratmaq istəməsinə yönəlib. Türkiyə bu cür quruluşlara əlbəttə ki, icazə verməyəcək.
Suriya ilə bağlı bu gün Münhen atəşkəsi çərçivəsində yeni mərhələnin başlanması nəzərdə tutulub. Biz bu atəşkəsi dəstəkləyirik. Bu qərarın verilməsində Türkiyə də aktiv rol oynadı. Lakin Rusiya döyüş təyyarələrinin indi də Suriyanı bombalaması, Əsəd qüvvələrinin qurudan etdiyi hücumlar davam edir, bu da bizi atəşkəsin gələcəyi ilə bağlı narahat edir. Təəssüf ki, hazırda Aziz olmaqla Türkmən dağı bölgəsində hücumların davam etdiyi haqda xəbərlər alırıq”. (Qafqazinfo)
