Obama Putinə sataşdı

Atəşkəs rəsmi olaraq başladı: Yeni müzakirə tarixi 7 martdır

Suriyada vətəndaş müharibəsinin başlandığı gündən bəri ilk böyük atəşkəs razılaşması dünən gecə başladı. Atəşkəsdən öncə BMT Təhlükəsizlik Şurası münaqişələrin dayandırılması haqqında qərarı səs birliyi ilə qəbul edib. BMT-nin Suriya üzrə xüsusi nümayəndəsi, "Şənbə günü (bu gün) Suriya üçün tarixi bir gün olacaq. Ehtiyacımız olan tərəflərin razılaşmaya sadiq qalmasıdır",- deyib.

Ölkə.Az xəbər verir ki, Suriyada 2011-ci ildən bəri davam edən, yüz minlərlə insanın həyatını itirdiyi qanlı müharibənin sona çatması üçün həlledici dövrə girilib. ABŞ ilə Rusiyanın bu həftə razılığa gəldiyi müvəqqəti atəşkəs, dünən gecə Dəməşq vaxtı ilə saat 00.00 etibarilə başlayıb. Atəşkəsə tərəflərin riayət edib-etmədiyini ABŞ və Rusiyanın həmsədrliyi altında ilə qurulmuş təşkilat izləyəcək.

Atəşkəs razılaşmasından öncə BMT Təhlükəsizlik Şurası Suriyada qarşıdurmaların dayanmasını ehtiva edən qətnamə layihəsini səs birliyi ilə qəbul edib. Qətnamədə Suriya rejimi və müttəfiqləri müxalifətlə qarşıdurmaların dayandırılması qərarına riayət edəcəklərini ABŞ və Rusiyaya bildirdikləri də qeyd olunub.

MÜZAKİRƏLƏR MARTIN 7-də BAŞLAYIR

Qərara görə Suriyada qarşıdurmalar sona çatdırılacaq və 2254 saylı BMT Təhlükəsizlik Şurasının qəbul etdiyi qətnamə tətbiq olunacaq. Qərarda, 2254 saylı qətnamədə qəbul edildiyi kimi ölkədə siyasi keçid prosesinin başlanılması və Suriyanın gələcəyinə xalqın qərar verməsi tələb olunur. Atəşkəs İŞİD, Əl-Nusra və BMGK kimi terrorçu qəbul edilən qrupları əhatə etmir. BMT-nin Suriya üzrə xüsusi nümayəndəsi Staffan Mistura qarşıdurmaların dayandırılması və yardımların çatdırılması qərarına sadiq qalınarsa Suriya müzakirələrinə mart ayının 7-dən davam ediləcəyini bildirib: "Şənbə günü (bu gün) Suriya üçün tarixi bir gün olacaq. Ehtiyacımız olan tərəflərin razılaşmaya sadiq qalmasıdır. Suriyada 5 ildir davam edən qanlı münaqişələri sona çatdırmaq üçün böyük şans əldə etmişik", - deyə vurğulayıb.

OBAMA: "ƏSƏDƏ YER YOXDUR"

ABŞ Prezidenti Barak Obama isə atəşkəsdən əvvəl təmkinli danışıb və Putinin sözünə sadiqliyinə sataşıb:

"Əgər tətbiq olunarsa və sözlərinə əməl edərlərsə qarşıdurmaların dayandırılması adı verilən bu atəşkəs razılaşması Suriyada günahsız insanların həyatını xilas edəcək. Bütün dünyan Moskva və Dəməşqin atəşkəsə sadiq qalıb-qalmayacağını görəcək".

Prezident Obama Suriyanın gələcək Suriya rəhbərliyində Bəşər Əsədin yer almamasının vacibliyini də vurğulayıb. O, bir çox Suriyalının Əsəd rejimi devrilmədən silahı yerə qoymayacağını deyib.

"ÇƏTİN OLACAQ"

Rusiya Prezidenti Vladimir Putin isə Suriyada atəşkəs prosesinin çətin olacağını bildirməklə yanaşı bundan başqa bir yolun da olmadığını bildirib.

Xatırladaq ki, dünən atəşkəsdən öncə Rusiyanın müxalif bölgələrə hava hücumlarında artış qeydə alınıb. Hücumlarda aktiv döyüşməyən müxalif qruplar da hədəf alınıb.

"TÜRKİYƏ AKTİV ROL OYNADI"

Türkiyə prezidentinin təmsilçisi İbrahim Qalın əldə olunan atəşkəs razılaşması ilə bağlı olaraq bunları qeyd edib: "Biz prinsip etibarilə bu atəşkəsi dəstəkləyirik və bu qərarın qəbul olunmasında Türkiyə dövləti də aktiv rol oynayıb. Bizim Suriyadakı kürdlərlə bir problemimiz yoxdur. Bizim mübarizəmiz PKK terror təşkilatı ilədir. PKK-nın nəzarətində olan bir dövlətin yaradılmasına Türkiyə heç vaxt icazə verməyəcək".