Moskvada uşaq başı kəsmiş qadının kimliyi açıqlandı
Xəbər verdiyimiz kimi Moskvada bir qadın əlindəki kəsilmiş uşaq başı ilə metrolardan birinin yaxınlığında həbs olunmuşdu.
Ölkə.az xəbər verir ki, Rusiya Federal Təhlükəsizlik Xidmətindən verilən məlumata görə, həbs olunan qadın Özbəkistan vətəndaşı Gülçöhrə Babaqulovadır.
İlkin ifadəsində qadın bildirib ki, cinayəti ərinin ona xəyanət etməsinə görə törədib. Amma dayə olaraq işlədiyi evin körpəsinin ərinin ona xəyanəti ilə hansı əlaqəsinin olduğu haqda qadın istintaqa heç bir məlumat verməyib.
İlkin versiyaya görə, qadın psixi cəhətdən sağlam deyil.
Qeyd edək ki, qadının öldürdüyü qız uşağının 4 yaşı var.
