"Hər şeyin fərqindəyik, daha susmayacağıq!"

Türkiyənin keçmiş prezidenti Abdullah Gülün həyat yoldaşı, keçmiş birinci xanım Hayrünnisa Gül Türkiyədə baş verən siyasi prosseslərə üsyan edib.

Ölkə.az "Hürriyet Daily News"a istinadən xəbər verir ki, Hayrünnisa Gül adı çəkilın qəzetə verdiyi müsahibəsində AK partiyaya od püskürüb.

"Mən indiyədək susurdum, amma daha susmayacam. Əsl müharibəni mən başlayacam. Abdullah bəyin kübarlığından sui-istifadə edənlər bunu yaxşı eşitsinlər", deyə keçmiş birinci xanım bildirib.

Daha sonra Hayrünnisa Gül anlaşılacaq şəkildə AK partiyaya mesaj göndərib: "Məni ən çox məyus edən başda Abdullah bəy olmaqla ailəmizə qarşı dindar təbəqədən gələn hücumlar oldu. Hər şeyi görməməzlikdən gəldik, səbr etdik, artıq yetər, susmayacağam!".

Xatırladırıq ki, avqustun 10-da Türkiyədə ilk dəfə ümumxalq səsverməsi yolu ilə keçirilən prezident seçkilərində baş nazir Rəcəb Tayyib Ərdoğan dövlət başçısı seçilmişdi. Yaxın günlərdə Ərdoğanın rəsmən and içəcəyi və Abdullah Gülün səlahiyyətlərini ona veəcəyi gözlənilir.

Ölkə.az