Qatil dayə: Mən bütün müsəlman uşaqları üçün qisas aldım

Moskvada 4 yaşlı uşağı amansızcasına qətlə yetirməkdə şübhəli bilinən dayə Gülçöhrə Bobokulova bəyan edib ki, o bu yolla təyyarələrlə müsəlmanları bombalayan Rusiya prezidenti Vladimir Putindən qisas aldığını bəyan edib.

Ölkə.Az xəbər verir ki, qatilin dindirilməsindən olan video YouTube-da yerləşdirilib.

“Putin qan tökür. Niyə heç kim heç nə demir? Onlarda yaşamaq istəyirlər – körpə-körpə uşaqlar”, - o deyib.

Müstəntiqin uşağın qətlinin səbəbinin məhz bu olduğuna dair suala Bobokulova təsdiqləyici cavab verib.

Məhkəmə G. Bobokulova barəsində psixoloji ekspertizanın keçirilməsi haqqında qərar verib. Hüquq-mühafizə orqanları isə G. Bobokulovanın həyat yoldaşını axtarır. Onun bu cinayətlə əlaqəsinin olub-olmaması araşdırılır.

Xatırladaq ki, Moskvada fevral ayının 29-da “Oktyabrskoe pole” metro stansiyası yaxınlığında uşağın qətlində şübhəli bilinən dayə saxlanılıb. O, uşağın kəsilmiş başını əlində tutaraq özünü partladacağı ilə ətrafdakıları hədələyib. Uşağın vəhşicəsinə qətlə yetirilməsinə dair cinayət işi açılıb.

Ölkə.Az