Bu ölkə PKK-ya raket verdi: Türkiyənin düşməni kimdir?
Türkiyənin nüfuzlu nəşrlərindən birində PKK haqqında şok məlumatlar dərc olunub.
Ölkə.az xəbər verir ki, Türkiyə hakimiyyətinə yaxınlığı ilə tanınan "Yeni Şafak" qəzetində dərc olunan materialda bildirilir ki, İran PKK-ya 3,5 milyon dollarlıq yardım edib və "yer-yer", "yer-hava" tipli yaxın mənzilli raketlər verib.
Türk kəşfiyyatındakı mənbəyə istinad edən qəzet bu yaxınlarda İrandan keçən 200 terrorçunun da PKK-nın Suriyadakı qolu PYD-YPG sıralarına qoşularaq buradakı təlim düşərgələrinə gəldiyi haqda məlumat yayıb.
Materialda bildirilir ki, bu yaxınlarda PYD-YPG terror qruplaşmasının komandiri Sipan Hemo İranın SEPAH korpusunun Cavad adlı generalı ilə də görüşüb. Məlmata görə, görüşdə Hələb üzərinə hücumun detalları da müzakirə olunub.
