Ərdoğan qaçqınlara şəhər salmağı təklif etdi
Türkiyə prezidenti Rəcəb Tayyib Əroğan qaçqınlara Suriyanın şimalında şəhər salmağı təklif edib.
Ərdoğan bildirib ki, yeni şəhər üçün Türkiyə sərhədi yaxınlığında 4,5 kvadratkilometrlik sahə ayrılacaq.
“Yeni şəhərin infrastrukturunu Türkiyə quracaq. Tikinti işləri isə beynəlxalq ictimaiyyətin köməyi hesabına həyata keçiriləcək”, - deyə Ərdoğan əlavə edib.
O, həmçinin qeyd edib ki, yeni şəhər salınmasına baxmayaraq Türkiyənin qapıları hər zaman qaçqınlara açıq olacaq. (qafqazinfo)
