ABŞ Ukraynaya 250 milyon dollar dəyərində hərbi yardım ayırıb
BŞ Konqresi Ukraynaya əlavə olaraq 250 milyon dollar dəyərində hərbi yardım ayırıb.
Bunu ABŞ Müdafiə nazirliyinin rəsmi nümayəndəsi Maykl Karpenter bəyan edib.
“Münaqişə başlayandan etibarən ABŞ Ukraynaya 265 milyon dollar məbləğində yardım ayırıb. Biz müxtəlif təlim proqramları çərçivəsində əməkdaşlıq etmişik, Ukrayna tərəfinə hərbi ləvazimat, radar qurğuları, gecə görmə cihazları, müvafiq nəqliyyat vasitələri, patrul gəmiləri verilib. Ukrayna ordusu müstəqil surətdə öz ölkəsini müdafiə etməyə qadir olmalıdır. Məqsədimiz budur. Həmçinin, biz Rusiyaya qarşı sanksiyaları Minsk razılaşmaları yerinə yetirilməyənədək qüvvədə saxlamağa hazırıq”, deyə M.Karpenter bildirib. (APA)
