Putinin katibi ukraynalılara silah vermədiyini açıqlayıb

Rusiya dövlət başçısı Vladimir Putinin katibi Dmitri Peskov Ukraynanın şərqində özünü müstəqil elan edən separatçı Donetsk Xalq Respublikasına tank yardımının edildiyinə dair iddiaların yalan olduğunu açıqlayıb

Ölkə.Az xəbər verir ki, "Moskva" radiosuna açıqlama verən Peskov: “Şərqi Ukraynaya hər hansı hərbi təchizat yardımı etmədiyimizi əvvələr də açıqlamışdıq”. 

Qərb ölkələrinin media qurumlarının irəli sürüdüyü iddialarda Rusiyanın 30 tankla yanaşı 150 ədəd ağır hərbi vasitəni Ukraynadakı Rusiyapərəst separatçılara göndərildiyi iddia edilmişdi. 

Həmçinin bu gün Ukrayna dövlət başçısı Petro Poroşenkonun ofisindən verilən açıqlamada ölkənin sərhəddindən keçərək şərq bölgəsinə daxil olan Rusiyaya məxsus zirehli avtomobil karvanının bir hissəsi məhv edilib. 

Rusiyanın Ukraynadakı təxribat fəaliyyətlərini nəzarətdə saxlayan Ağ Ev isə Kiyev hökümətinin açıqlamalarını təsdiqləməyib. 

Qeyd edək ki, Ukrayna ordusunun Donetsk və Luqanskda keçirdiyi əməliyyatlarda minə yaxın separatçı və mülki vətəndaş ölüb. On minlərlə insan Ukraynanın başqa yerlərinə və ya Rusiyaya köçmək məcburiyyətində qalıb.

Ölkə.Az