İran 6.1 ballıq zəlzələ ilə sarsıldı

İranın İraqla sərhəddə yaxın bölgəsində 6.1 bal gücündə zəlzələ baş verib

Ölkə.Az xəbər verir ki, bu gün səhər saatlarında baş verən zəlzələdə yerli səlahiyyətli orqanlar ölüm halının olmadığını, lakin  zərər çəkən və yaralıların olduğunu açıqlayıb.

İran dövlət televiziyası ölkənin paytaxtı Tehranın 500 km cənub-qərbində yerləşən Murmuri yaşayış məntəqəsində yerli saatla 07:02-də zəlzələ baş verdiyini yayımlayıb.

Mediaya açıqlama verən səlahiyyətli  şəxs Məhəmməd Rıza Murvarid yaralılarını sayını açıqlamağın tez olduğunu, zəlzələdən sonra xırda sarsıntılarda baş verdiyini və Murmuri qəsəbəsindəki əksər binaların zərər gördüyünü qeyd edib.

ABŞ Geoloji Araşdırmalar İnstitutu isə İranda baş verən zəlzələnin 6.2 bal gücündə və yerin 10 km dərinliyində olduğunu ölçüb.

Ölkə.Az