Aksiyaçılar özlərini Ermənistan parlamentinin hasarına bağladılar
Dünən gecədən İrəvanda başlayan etiraz aksiyasında polislə etirazçılar arasında toqquşma baş verib.
Ölkə.az erməni KİV-lərinə istinadən xəbər verir ki, sayı bir neçə yüz olan aksiyaçılardan 13 nəfəri özlərini məftillə Ermənistan parlamentinin hasarına bağlayıblar.
Gecə polisin onları dağıtmaq cəhdi hələlik baş tutmasa da, əraziyə əlavə qüvvələrin göndərildiyi bildirilir.
Aksiyaçılar hökumətdən Ermənistan həbsxanalarında olan bütün siyasi məhbusları azad etməyi tələb edirlər.
Bu gün səhər saatlarında isə polis aksiyaçıları dağıdaraq mitinqin 10 təşkilatçısını həbs edib.
