Saakaşvili 450 min dolları kosmetik əməliyyatlara xərcləyib
“Bu vəsaitlər xüsusilə Avropa klinikalarının birində botoksun yeridilməsi və tüklərin yox edilməsi əməliyyatlarına sərf olunub”
Gürcüstanın sabiq prezidenti Mixail Saakaşvili dövlət büdcəsindən 673 lari (ortalama 450 min dollar) vəsaiti özünün və ailə üzvlərinin kosmetik əməliyyatlarına xərcləyib.
Bununla yanaşı, o, şəxsən 400 min larini ( 220 min dollar) gözəllik salonlarında ödəyib.
Ölkə.az «Интерфакс»-a istinadən xəbər verir ki, bu barədə Gürcüstanın Baş prokurorluğu 16 avqustda məlumat yayıb.
“Bu vəsaitlər xüsusən Avropa klinikalarının birində botoksun yeridilməsi və tüklərin yox edilməsi əməliyyatlarına sərf olunub”- deyə prokurorluqdan bildiriblər.
Qurumdan bildiriblər ki, 5 milyon dolların xərclənməsi barədə 13 avqustda yayılan məlumata dair kifayət qədər dəlillər və faktlar mövcudur.
Həmçinin məlumatda qeyd olunur ki, dövlət mühafizəsinin xüsusi xidməti göstərilən məbləği keçmiş prezidentin müxtəlif ehtiyaclarının təmin edilməsinə ödəyib. Bunlara aşbaz, massajçı xidmətləri, otellər və İtaliyada gəminin icarə haqqı daxildir.
Saakaşvili isə bütün deyilənləri təkzib edərək bildirib ki, göstərilən vəsaitlərin hamısı ölkənin tanıdılması və yeni investisiyaların cəlb edilməsinə xərclənib.
Hazırda Gürcüstanda Saakaşviliyə qarşı eyni zamanda bir neçə cinayət işi açılıb.
Qeyd edək ki, Mixail Saakaşvili keçmiş daxili işlər naziri Vano Merabişvili ilə birlikdə vəzifə səlahiyyətlərini aşmaqda təqsirləndirilir. Mövcud ittihamlar 2007-ci il 7 noyabr mitinqinin dağıdılması, "İmedi" telekanalına müdaxilə etmək və mülkiyyətin qeyri-qanuni yolla başqasına verilməsi ilə əlaqədardır.
Ölkə.Az
