Polşanın müdafiə naziri: \"Prezident Kaçinski terror aktı nəticəsində öldürülüb\"

Polşanın müdafiə naziri Rusiyanı dövlət terrorçuluğunda ittiham edib.

"Katın cinayəti və Smolensk aviaqəzası terror aktlarıdır"

Ölkə.az xəbər verir ki, bu sözləri Polşanın müdafiə naziri Anoni Meçereviç deyib.

Onun sözlərinə görə, adı çəkilən hadisələrin hər ikisi Polşaya qarşı yönəlmiş terror aktlarıdır. Müdafiə naziri qeyd edib ki, 1940-cı ildə SSRİ tərəfindən törədilmiş Katın qırğını və 2010-cu ildə Rusiyanın Smolensk şəhəri yaxınlığında qəzaya uğrayan Polşanın o vaxtkı prezidenti Lex Kaçinskinin təyyarəsi əslində terror aktlarıdır.

"Hazırda terror Qərb ölkələrinə qarşı yönəlib. Terrordan istifadə edilərək Qərb ölkələri, Avropa miqrant axınına məruz qalır. Biz unutmamalıyıq ki, müasir dünyamızda Polşa terrora məruz qalan ilk ölkədir. Xalqımız bu terroru 1930-cu ildən öz üzərində hiss edir. Xalqları soyqırıma uğratmaq Rusiyanın mahiyyətidir. Rus xalqı öz əcdadlarının törətdiyi cinayətlər barədə nədənsə susur", deyə Polşanın müdafiə naziri Rusiyanı sərt şəkildə tənqid atəşinə tutub.

Ölkə.az