Əhməd Davudoğlu baş nazir postuna gətirilir

Ölkə.az türk mediasına istinadən xəbər verir ki, Ərdoğandan boşalan baş nazir postuna hazırkı xarici işlər naziri Əhməd Davudoğlu gətirilir.

Ədalət və İnkişaf Partiyasının (AKP) yerli təşkilatların idarə heyətlərinin yaydığı bir məlumatda, partiya təşkilatlarının baş nazir postunda Əhməd Davudoğlunu görmək istədikləri bildirilir.

Xatırladırıq ki, prezident seçkilərində qələbə çalan Rəcəb Tayyib Ərdoğan baş azirin kim olacağı haqda suallara cavab verərkən "Partiyamızın təşkilatları rəhbərlikdən hansı siyasətçini baş nazir görmək istəsə, bu posta həmin şəxs gətiriləcək", demişdi.

Siyasi şərhçilər AKP-nin yerli təşkilatlarının bəyanatının partiya rəhbərliyi ilə razılaşdırıldığını iddia edirlər. Deməli artıq Əhməd Davudoğlunun baş nazir olması məsələsi realdır.

Ölkə.az